LUNDU: Rayat Kampung Bajo madahka pengaga ati diri laban kampung sida udah nerima Warta Rizab Gunasama Bumiputera (kebun) bedau lama ti udah.

Menteri Tugas-Tugas Khas, Tan Sri Datuk Amar Haji Adenan Satem dalam jaku iya. madahka, pemujur ngeluarka pala tanah rizab nya endang asil ari sukung enggau jerejasama ke diberi sida ngagai raban Opis Tanah enggau Survei (JTS) Sarawak kena nentuka semua pengawa nya bejalai enggau lanchar.

“Hari tu, rayat Kampung Bajo tentu gaga laban utai ke dipinta sida ngelama tu udah mujur. Semua nya asil ari sukung enggau kerejasama rayat kampung enggau JTS kena ngaduka pengawa nya enggau lanchar,” ku iya bejaku maya nyerahka Gazet Rizab Gunasama Bumiputera (kebun) Kampung Bajo di Bilik Mesyuarat Opis Pelilih Menua
Lundu, hari empat tu tadi.

Terdahulu, beliau turut menyampaikan geran MRP kepada pertubuhan dan kelab di kawasan N3 Tanjung Datu.

Dalam pekara nya, Pemanca Bujang madahka semua nya tanda ke terang pemanah ati perintah ke selalu nulung rayat dalam mayuh macham pengawa seiring enggau tinjau ‘Gagasan 1Malaysia, Rakyat Didahulukan, Pencapaian Diutamakan’.

Sama datai ngulu pengerami nya, Penulung Pengarah Tanah, Abdullah Julaihi, Tuan D.O.Lundu, Azmi Bujang, Tuai Kampung Bajo, Haji Lasa Busri, bala tuai raban bansa enggau mensia mayuh kampung nya.

(Sumber:  Utusan Sarawak,  30 Jun 2012)