BINTULU:  Mensia mayuh ke diau ba genturung Sungai Sujan Kudup dipinta enggau ngulu pengawa berandau begulai enggau Opis Tanah enggau Survei (JTS) Bintulu ke bisi diatur kena 12 Januari tu ila.

Nitihka penerang ari opis nya, sida deka bejalaika randau begulai enggau rayat bekaul enggau pengawa nyukat tanah pesaka tauka NCR.

Berebak enggau nya, pengawa randau tu deka diatur ba Rumah William Ajan ba Sungai Sujan, Padan, urung iya pukul 10:30 pagi.

Tuju pengawa tu dipenyadika laban deka nerangka enggau silik senentang tuju Inisiatif Baru NCR ngagai mensia mayuh.

Kelimpah ari nya, penerang senentang chara nyukat tanah NCR enggau pelan palan ti deka disukat mega deka diterangka maya randau tu dipenyadika ila.

Berindik ari nya, mensia mayuh ke diau ba Sungai Sujan enggau Sungai Kudub dipinta enggau datai ngulu pengerami randau tu.

(Sumber:  Utusan Borneo,  9 Januari 2011)