KUCHING : Opis Tanah enggau Survei (JTS) kemari nyangkal tuduh ke dipansutka Mandal Chairman Parti Keadilan Rakyat (PKR) Sarawak Ali Biju senentang tanah galau bumiputera bedau lama tu tadi.

Nitihka siti penerang berita ke dipansutka kemari, JTS madahka kuasa ngintu tanah gaalu bimuputera nya deka dipejalaika sistem undang-undang raban bansa bumiputera lalu enda baka ke dituduh Ali.

Reti nya ail chara bekena, mindah tauke nukar kuasa ngagai tanah nya, rumah tauka sebarang utai ke bisi ba atas tanah deka diintu adat bansa asal ke teulihka penguntung ari Tanah Galau Bumiputera (BCR).

“Tanah dalam kandang Galau Raban Bumiputera (BCR) enda dipegai orang ke diau ba tanah nya ungkup pemeri ari perintah nitihka tuduh YB Ali Biju.

“Orang bumiputera ke ngempu BCR bisi kuasa ba tanah sida iya lalu tau mega nagang sebarang pengawa ngeruga pengelikun tanah nya.

“Reti nya Warta deka meri pemri ati senentang NCR ke udah dikelai lalu deka ditemu ba pelenn ke udah dipansut ngambika tau nentuka entara tanah,” ku penerang nya.

Hari enam tu tadi, Ali madahka sukat perimeter enggau deklerasi tanah bansa asal bumiputera (NCR) nengah seksen 6 kod tanah Sarawak deka nurunka tikas tanah NCR.

Kaban Dewan Undangan Negeri (ADUN) Krian madahka, enti surat penerang udah dipansutka nengah seksen 6, surat tanah deka dipansutka nengah nama gerempung lalu ukai nengah nama orang ngempu tanah.

(Sumber : Utusan Borneo, 30 Ogos 2011)