BETONG: Opis Tanah enggau Survei (JTS) Betong nesau orang ke bisi menggi tanah NCR ba kandang menua Ulu Paku, Spaoh meri kerejasama ngagai sida bejalaika pengawa nyukat lot tanah ungkup seiku-seiku pengempu tanah NCR ba Nanga Paun, Penom enggau ke semak nya.

Bepelasarka pengawa nyukat tanah NCR ba menua Ulu Paku be bepun ba kandang menua nya, pengawa nyukat nyangka bisi Iubah mimit Iaban kurang sukungan orang ke menggi tanah NCR ba endur nya.

Nya alai, Pemesai ba opis Tanah enggau Survei Betong Anthony Aboi ngarapka sida ke bisi ngempu tanah NCR ba kandang menua nya datai enggau ngerintis entara tanah enggau pangan diri.

“Enggau atur nya raban JTS ulih nemu garis entara tanah ke dipenggi seiku-seiku.

“Pekara tu chukup begunaka kereiasama semua lalu ngemuntangka raban JTS bejalaika pengawa sereta ngeluarka surat pala tanah nitihka seksyen 18 Kanun Tanah Negeri,” ku iya.

Iya mega madah, operasyen nyukat lot tanah ungkup seiku-seiku orang ke ngempu tanah NCR ba kandang menua Ulu Paku, Spaoh nitihka Inisiatif Baru NCR enda ulih mujur nyema nadai kerejasama ari orang ke menggi tanah nya.

Berebak enggau nya, maya Pengerami Ngelacharaka Pengawa Nyukat Tanah Ungkup Seiku-Seiku orang ke menggi tanah NCR Peringkat Negeri ke dipenyadi Sapit Kepala Menteri Datuk Patinggi Tan Sri Alfred Jabu di Penom apin lama ke udah mega bisi nyebut orang ke menggi tanah NCR anang muai peluang nyukat tanah NCR diri empu lalu ngerintis entara tanah enggau pangan diri.

(Sumber:  Utusan Borneo, 1 Julai 2014)