BALAI RINGIN: Kaban Kunsil Negeri (ADUN) N.25 Balai Ringin, Snowdan Lawan mujur ngetanka penuduk iya nyadi Chairman Bagi Parti Rakyat Sarawak (PRS) N.25 Balai Ringin ke penggal 2013-2016 bedau lama.

Snowdan nguluka semua rintai nama Komiti Baru PRS N.25 Balai Ringin ke nyengkaum TR Johnny Lumi (Sapit Chairman),TR Barnabas ak Majang (Vice- Chairman), TR Jeli ak Lebat (Sekreti), Unga ak Dana (Penulung Sekretari), Adam Ak Esa (Tukang Wang), Lama ak Bungkol (Penulung Tukang Wang), Kapitan Lee Khin Onn (Penerang).

Kaban Komiti (AJK) ke bukai nyengkaum Jugu ak Badi,Jinggang ak Jugam, TR Bloka ak Ajan, Unpan ak Man, Jilie ak Liat, TR Story ak Nyaun, Stunton ak Rantai, Menggong ak Bukong, Disa ak Belili, TR Manai ak Tan, TR Kendy ak Simadu, TR Tagok ak Kabok, Randie ak Gasan, TR Ubeng ak Empeni, TR Jawan ak Angum, Pasang ak Chuking, Dilang ak Letan, TR Abi ak Lamar, enggau TR Udin ak
Surek.

Lalu TR Rentap ak Gasan dipilih nyadi Ketuai Raban Nembiak, Ricky ak Pree (Sekretari Pampang Nembiak), Sula ak Atin (Ketuai Indu) enggau Mary ak Saing dipilih nyadi Sekretari Pampang Indu.

Proses pemilih komuniti baru ke taun 2013-2016 maya Aum Ninting Taun PRS N.25 Balai Ringin ke diatur ba Dewan Serbaguna Balai Ringin nya bechairmanka Sekretari Politik Kepala Menteri, Wilson Nyabong lalu dibantu bala pegawai indu Opis PRS.

Bisi  20 iku pemerati ari Parti Pesaka Bumiputera Bersatu (PBB),Parti Demokratik Progresif Sarawak (SPDP), Parti Rakyat Bersatu Sarawak (SUPP) enggau gerempung ukai perintah (NGO) ke betuaika Temenggong Anthony ak Nyipa.

Dalam aum nya, sekeda ari Iangkar penemu ke dipejuraika dalam minit auk komiti baru 2013-2016 nyengkaum pekara minta Opis Tanah enggau Survei ngenyampatka proses perimeter survei ke atas Tanah Hak Adat Bumiputera (NCR) ke alai agih beIanja RM30 juta udah dikemendarka Menteri Besai bedau lama kena nyambung proses perimeter survei.

Komiti nya mega minta perintah numbuhka siti ‘Agro-Based Cluster’ di kandang Kunsil Negeri (DUN) Balai Ringin.

Ku iya, pun industri di Balai Ringin nya tanam-tupi baka kebun kelapa sawit, lada, getah, pisang, nanas enggau ke bukai, lalu nengah konsep cluster tu, siti Program Satelit Inkubator ditumbuhka kena mantu pekebun mit ke dipilih ditempatka sereta ngambi bagi dalam program nya.

Nitihka iya, perintah adult nentuka beberapa iti negeri ke deka disediaka ngagai pekebun mit ti dipilih nya nyengkaum banti infraktruktur ba kebun nya, rumah kebun enggau perengka baka mesin, bantu ari segi pemasar asil sereta bantu ngagai pekebun ke dipilih nya ngambi pinjau wang ari perintah tauka institusi wang ke bukai.

Langgur penemu ke bukai nyengkaum komiti baru PRS nya sepenemu lalu setuju penuduk Presiden enggau Sapit Presiden Parti Rakyat Sarawak (PRS) ditanka lalu nadai ibuh diperebutka.

Langgur penemu penudi dalam jurai komiti baru PRS N.25 Balai Ringin meri sukung penuh enggau kerejasama ngagai bala ketuai Tetinggi Barisan Nasional, Perintah Pusat, Perintah Negeri enggau PRS.

Dulu ari nya, aum nya mega digulu kira 500 iku kaban parti, nyengkaum Penghulu Rungku ak Jimbai, Penghulu Asai ak Bijak, Penghulu Beliang ak Jubang, Penghulu Ali ak Danjie enggau Penghulu Pelie ak Jumbu serela enggau raban ari Indu Opis PRS.

(Sumber:  Utusan Sarawak, 2 Ogos 2013)