Rayat patut minta projek pemansang ke relevan meri penuntung ngagai rayat

BINTANGOR: Rakyat meseti ngebuan runding ke patut sebedau madahka sebarang peminta ngambika ulih meri penguntung ngaga semua ba timpuh ke panjai.

Tuai Seketeri Kepala Menteri Abdullah Haji Saidol madahka, perintah ngelama tu ngena pelasar ke adil sereta lurus lebuh Iebuh deka mutarka sebarang penanggul ke bisi nuntung rayat.

Taja pia ku iya genap peminta meseti relevan sereta ulih meri pengubtung ngagai semua lalu ukai ngagai sekeda orang aja.

Aku meri siti chunto, Siti gerempung kampung minta RM10,000 dikena meli baju uniform lalu ba maya ke sama jelatung ke dikena bala nembiak sekula ninting hari ba kampung nya udah jai amat. Entara baju unform enggau jelatung, ni iya ke Iebih agi beguna?

Ngagai aku ke nyadi pengari  rayat, aku tetap deka meri duit RM10,000 tang ukai dikena meli baju tang dikena ngaduka jelatung. Kebuah baka nya laban aku berunding senentang meri penguntung ngagai semua enggau pengidup bala nembiak sekula dudu hari ila ke ngena jelatung nya. Ketegal nya aku ngasuh kita minta pekara ke patut sebedau nganjung peminta, ku iya.

lya mansutka jaku munyi nya ba Pengerami Ngiling Bidai ke diatur be Selidap kena hari Minggu ke udah.

Beserimbai enggau program nya Abdullah ngena peluang nya betemu enggau rayat ba 16 buah rurnah panjai ba kandang Selidap enggau Semaring urung setengah jam ari Bandar Bintangor.

Ba maya ke sama Abdullah ti mega Kaban Kunsil Nengeri  (ADUN) Semop madahka, sida ke diau ba endur nya patut begutung ruyung ngaga perengka ba kampung nya laban chara ke baka nya lebih jampat sereta nadai mayuh belanja.

Ngena chara ke baka nya ku iya, sidau ke dia ba endur nya ulih ngena agih ke diberi begagaka pengawa bukai.

Perintah udah ngemendar ka agih dikena ngaga padang futsal ba Rumah Libau, Gauning enggau Pagan. Pengawa begagaka padang nya deka digaga sida ke diau ba endur nya chara gutung ruyung ku iya.

Ketegal nya iya ngasuh rayat anang ningaka runding negatif senentang pemansang ke udah bisi tang seruran nyukung pengawa nya dikena nyamin pengelantang pengidup sida jemah ila.

Ku iya, semina perintah ulih nulung rayat sereta nyamin pengelantang, penyenang enggau pengelikun berengkah ari dulu suba.

Gaya ke baka nya enda sebaka enggau parti penyakal ke seruran enda sepenemu enggau pangan diri.

Perintah enda kala ngemulaka rayat. Kami mansutka jaku ke betul sereta semu danji ngagai rayat dikamatka. Perintah ulih ngaga ubah sereta ulih ngasuh utai ke dimimpi kita nyadi nyata, ku iya.

Ketegal nya Abdullah ngasuh rayat ngambika meri kerjasama ngagai pengawa nyukai tanah dikena ngenyampatka proses ngempu tanah ka kandang sida empu.

Perintah besai udah meri agih ngagai perintah nengeri dikena ngemujurka program nyukat tanah lalu pengawa nya diatur chara pechuma enggau berenggat enda ngira sapa ke ngempu tanah.

Kepala Menteri Pehin Sri Abdul Taib Mahmud empu ngelindung hak ngempu tanah NCR berengkah ari taun 1965 lalu iya empu mega enda setuju enggau perambu ke deka nukar status tanah NCR.

Nya edang ngayanka perintah BN enda kala deka ngambi tanah rayat tang ngatur pengawa nyukat perimeter dikena ngelindung hak ngempu tanah, ku iya.

(Sumber:  Utusan Sarawak, 3 Julai 2013)