KUCHING: Belanja penyarnpau RM30 pita ungkup taun 2014, dikena ngatur pengawa nyukat kelingi tanah Adat Bansa Asal NCR) ngayanka komitmen Perintah Barisan Nasional (BN) ke deka mutarka pekara tanah NCR ke bedau disukat di Sarawak.

Menteri Industri Bekebun Bedandang Besai enggau Komoditi, Dato Sri Douglas Uggah Embas madah, ungkup ke diberi Menteri Besai (PM) Datuk Seri Najib Tun Razak nya, ukai umpan politik, enda melakun, ukai kimpin pengawa bepilih laban pengawa bepilih besai PRU 13 pan baru udah tembu, tang PM agi mengkang besemaya deka meri ungkup RM30 juta kena nyukat perimeter tanah NCR ungkup taun 2014.

“Nya ngayanka perintah BN ngemeratka penanggul ke ditapi rayat sereta patut diputar nengah chara ke siru sereta engkeman,” ku Uggah.

lya madah baka tu lebuh dlkerandau sepengudah atur pengawa ngelaluka tuai pengabang Menteri Besai Datuk Seri Najib Tun Razak enggau bini iya, Datin Seri Rosmah Mansor ke bela digulu urung 5,000 iku pengabang bukai ba Rh Wilson Begat anak Bakir di Penom, Ulu Paku, Betong Hari Minggu tu tadi.

Ku Uggah, di Pelilih Menua Betong, semua tanah NCR udah dkelai, lalu diatu rayat di sitak nya deka nyukat pitak kediri nengah Seksyen 18 (Sukat Perimeter baruh Seksyen 6).

“Ke batang diatu, iya nya nengah Seksyen 6, kami udah agelala dalam kandang tanah menua ni bagi ke dikelala Perintah nyadi tanah NCR. Ba bagi nya deka di kelai.

“Berindik ari nya, sekeda tanah nya bisi orang ke ngempu, lalu nangkan nya sukat deka digaga nengah Seksyen 18, lalu udah nya ila, baru iya deka diberi pala tanah, nadai betimpuh sereta enda dibayar,” ku iya.

Ba penemu Kaban kunsil Nengeri (ADUN) Engkilili, Johnichal Rayong, ungkup ke diberi PM nya, nandaka jaku penyakal nya bula ke madahka Perintah ngambi tanah rayat.

“Tu ngayanka Perintah BN nadai ngambi tanah NCR kitai Dayak, lalu ngayanka jaku penyakal ngelama tu bula ke rayat,”ku iya.

Iya madah baka tu Iebuh diasuh nimbal jaku PM ke men ungkup RM30 juta kena ngaga sukat perimeter ke taun 2014, kelimpah ari Johnichal empu ke bisi enggau pengabang bukai ngagai Rh Wilson Begat anak Bakir Ngabang Hari Gawai tu tadi.

Iya nambah ungkup nya ngena endar diberi laban ngambika ulih nyapai tuju kena nyukat tanah NCR 100 persin, nambah enggau ke udah diberi Perintah Besai

sebedau tu, RM60 juta.

Kelimpahan ari nya,Johnichal madah ungkup nya mega ulih beratika tanah NCR ngembuan surat ke patur, lalu ditambah enggau manifesto BN tu tadi ‘Aku Janji PRU 13’ ke deka ngelaika tanah NCR.

Presiden Parti Demokratik Progresif Sarawak (SPDP), Tan Sri William Mawan lkom besetuiu enggau ungkup ke diberi PM, kelimpah ari sadang nya sebengkah pekara ke berat ke rayat ba komitmen Perintah deka ngelaika tanah NCR.

“Ungkup RM60 juta sebedau tu mayuh udah mantu nyukat kelingi tanah NCR lalu enggau tambah RM30 juta deka ngemujurka Ialuh pengawa nyukat tanah nva, dataika rayat deka teulih ka surat tanah sida iya.

“Enti kitai enda enggau ati bebendar deka ngereja pekara tu ke berat ba rayat, Perintah dipadah semina jaku sengapa tang pemisi ungkup tu ngayanka sekeda sida ke seruran bejaika atur perintah dalam ngemansangka tanah NCR enda bepeluang ngerusakka program Perintah,” ku Mawan.

Menteri Besai maya ngabang Hari Gawai ngagai Rh Wilson Begat anak Bakir di Penom, Ulu Paku Betong hari Minggu tu tadi, madah Perintah Besai deka meri ungkup tambah RM30 juta ngambika ke semua urung Iebih 680,000 hektar tanah NCR di serata menua deka dikelai.

Manggai Februari taun tu, urung 681,739 hektar tanah NCR dikemendar tau disukat lalu ari penyampau nya, urung 328,720 hektar udah tembu disukat lalu 150,000 hektar udah dikelai nyadi tanah NCR.

(Sumber:  Utusan Borneo, 11 Jun 2013)