KUCHING:  Opis Tanah enggau Survei Sarawak patut ngena internet nyebar penerang senentang isu tanah ba negeri tu, ku Menteri Perambu II Datuk Amar Awang Tengah Ali Hasan.

Kebuah pia, ku iya nembiak rebak bariu diatu suah bekenaka Internet maya ngiga penerang ke betul, nya alai opis nya enda ulih semina bepanggai ngagai media tradisional aja.

“Pekara nya patut diperunding dikena ngerembaika agi penerang kitai,”  ku iya rambau bejadi Pengerami Hari Inovasi enggau Integriti Opis Tanah enggau Survei Sarawak, ba ditu malam ensana (Hari Tiga).

Iya madah, ngena internet meri bekau ke manah laban mudah ditemu orang mayuh.

Isu tanah tu dikena raban penvakal dikena bekelikuh udah nya disebar sida nengah Internet, ku iya.

“Kitai suah diserang diserang propaganda bula ke digaga raban orang ke ndai betanggungjawap, nya alai kitai meseti nyaut pekara nya ngena chara kreatif enggau bepenemu,” ku iya.

(Sumber:  Utusan Sarawak,17 Mei 2013)