Sarawak Nagit Midul Engkeraju Ba Pekit Gimnastik Artistik
Posted on 19 Aug 2024
Source of News: UKAS Sarawak
SERIAN: Tim Sarawak nagit midul engkeraju ungkup pekit gimnastik artistiK Lumba Malaysia (SUKMA) XXI ke deka belabuh diatur 21 Ogos tu.
Kaban Parlimen Serian Dato Sri Richard Riot Jaem iya chukup andal tim Sarawak ngembuan bakat sereta semangat deka ngulih engkeraju ba pekit nya.
Iya bisi datai lebuh Pengerami Bejadika Karnival SUKMA XXI Sitak Serian, kena Hari Enam tu tadi.
Minijar Tim Gimnastik Artistik Sarawak Jacqueline George Paou nambah, tim indu udah dipilih lalu iya keran nyapai tagit nya.
Pia mega, latih di podium deka belabuh diatur 20 Ogos tu, sehari sebedau hari bepekit berengkah iya nya 21 nyentuk 24 Ogos 2024.
Karnival SUKMA XXI Bagi Menua Serian diatur ba Pelaman Palan Kongres Serian udah mujur matak 65 bansal bejual pemakai enggau ai irup.
Sama bisi datai iya nya Sapit Residen Bagi Menua Serian Abdul Khalid Manap, Pegawai Pelilih Serian Inting Nyami enggau Sekretari Kaunsil Bagi Menua Serian Tay Guan Huat. -EDISI UKAS
