Landas Kasihnya Warisan Menggi Gelar Raja Sungai Regata Mukah 2024
Posted on 22 Jul 2024
Source of News: UKAS Sarawak
MUKAH: Tim Landas Kasihnya Warisan ngempu tiga penuduk atas pemadu pengudah ngempu gelar Raja Sungai taun tu sepengudah nyadi champion kategori Bidar Pengayuh Laki 30 serimbai Regata Mukah 2024.
Nerima gelar Raja Sungai edisyen 2024 ngena bot Kasihnya Warisan Satu ngalahka bot Landas Satu ba penuduk kedua lalu ba penuduk ketiga Landas Dua kena Hari Minggu.
Raja Sungai udah mujur mai perais mata duit RM20,000 sereta trofi.
Ba penuduk kedua enggau ketiga bela nerima mata duit RM10,000 enggau RM6,000.
Penuduk keempat diempu Cahaya Kekal Satu ari Tim Cahaya Kekal enggau bulih perais RM4,000.
Perais nya disua Sapit Menteri Ekonomi Malaysia ke mega Kaban Parlimen Mukah, Dato' Hanifah Hajar Taib.
Sama bela datai, Kaban Kunsil Nengeri (ADUN) Tellian, Royston Valentine enggau ADUN Balingian, Abdul Yakub Arbi.
Regata Mukah 2024 udah diatur pengelama tiga hari lalu tembu kena Hari Minggu.
Ungkup rikod, Regata Mukah kepenudi diatur ba taun 2018.-EDISI UKAS
