Premier Sarawak Diberi Darjah Setia Negara Brunei Darussalam
Posted on 16 Jul 2024
Source of News: Ukas Sarawak
BANDAR SERI BEGAWAN: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg udah diberi Bintang Darjah Setia Negara Brunei Yang Amat Bahagia Darjah Pertama P.S.N.B ke mai gela Dato Seri Setia.
Basa nya diberi Kebawah Duli Yang Maha Mulia Paduka Seri Baginda Sultan Haji Hassanal Bolkiah Mu'izzaddin Waddaulah, Sultan enggau Yang Di-Pertuan Negara Brunei Darussalam.
Datuk Patinggi Abang Zohari siku ari penerima basa besai Brunei Darussalam beserimbai Hari Pengada Sultan enggau Yang Di Pertua Negara Brunei Darussalam Ke-78.
Adat meri basa nya diatur ba Istana Nurul Iman di Bandar Seri Begawan, pagi Hari Satu.
Sama bela datai maya nya Yang di-Pertua Negeri Sarawak Tun Pehin Sri Dr Wan Junaidi Tun Tuanku Jaafar enggau bini, Toh Puan Fauziah Mohd Sanusi.
Kelimpah ari nya, bini Premier Sarawak, Puan Sri Datuk Amar Juma’ani Tuanku Bujang, Sapit Premier Sarawak Datuk Amar Awang Tengah Ali Hasan sereta bini, Dato Dayang Morliah Datuk Awang Daud, Menteri Utiliti enggau Telekomunikesyen Sarawak Dato Sri Julaihi Narawi enggau Pesuruhjaya Tinggi Malaysia ke Brunei Nur Ezira Mahadi mega bisi datai.- EDISI UKAS
