Font Size Font: IncreaseFont: NormalFont: Decrease
The Official Website of
Land and Survey Department, Sarawak Malaysia


JTS nyadi pemungkal pengawa digitalisasyen
Posted on : 12 Oct 2020  Source of News: Suara Sarawak
 


KUCHING: Opis Tanah enggau Survei (JTS) nyadi opis pemungkal digitalisasyen ba raban pengereja perintah Sarawak, ku Sapit Sekretari Perintah Sarawak Datuk Dr Sabariah Putit.

Kenu ku iya, pekara nya dipeda lebih mayuh dalam guna teknologi ngaduka tanah enggau pengawa bukai ti dipejalai JTS.

“JTS diasuh nyadi opis ti bekaul enggau penerang pasal utiliti ti deka diguna semua opis menteri enggau ejensi di Sarawak.

“Tu tanggungpengawa ti besai ngagai JTS tang nya deka nukar Sarawak ngagai tikas ke lebih tinggi enggau maju jemah,” ku iya.

Iya bejaku munyi nya maya nutup pengerami Minggu Inovasyen Pengereja Perintah Nengeri Sarawak di sebuah hotel ditu, kemari.

Kenu ku iya, JTS ngempu peluang ti besai nyadi sebuah ejensi chunto dalam industri 4.0 laban mayuh inovasyen ulih dipejalai sida.

“Ba maya ti deka datai, aku deka meda mayuh agi inovasyen deka dibai JTS nuju digitalisasyen ti nyadi peminta pemadu baru jeman diatu.

“Enggau kerejasama ti tinggi bala pengereja pengawa JTS, pekara nya ulih dijapai lengkas agi,” ku iya.

Berebak enggau nya, Sabariah madahka pengerekai Covid-19 udah ngachau mayuh perambu ba taun tu lalu nyadi siti ari pemar besai ngagai servis pengereja pengawa perintah Sarawak.

“Pengawa bejalaika inisiatif perintah enggau ngubah runding bala ketuai dalam pengereja pengawa perintah ukai siti pekara ti muntang.

“Tang enggau chara baru, kitai enggai nyadi enda nukar chara pengidup ti sebedau tu ngagai pelasar digital,” ku iya.

Iya madahka, atur program Pekit Kreativiti Ngias Kek SCSICA amat beguna dalam negapka kreativiti enggau inovasyen bala pengereja pengawa perintah di menua tu.